Gallwch weld eich cwestiynau cyffredin yma

Statkraft yw cynhyrchydd ynni adnewyddadwy mwyaf Ewrop. Rydyn ni wrth wraidd y newid yn ynni'r DU ac ers 2006, rydyn ni wedi datblygu profiad ar draws y sectorau gwynt, solar, dŵr, storio, sefydlogrwydd grid, gwefru EV a hydrogen gwyrdd.

Rydyn ni wedi buddsoddi £1.3 biliwn a mwy yn seilwaith ynni adnewyddadwy'r DU.
Rydyn ni'n cyflogi 280 a mwy o staff yng Nghymru, Lloegr a'r Alban ac yn gwneud cyfraniad allweddol at helpu'r busnes byd-eang i gyflawni ei nod o ddatblygu 8GW o ynni gwynt a solar erbyn 2025.
Gallwch chi ddarllen mwy amdanom ni yma.

Mae Parciau Grid Gwyrddach yn gyfleusterau sy'n cynnwys technolegau dim carbon sy'n sefydlogi'r grid, gan ganiatáu i fwy o ynni adnewyddadwy gael ei drosglwyddo drwy'r rhwydwaith. Mae cadw'r grid yn sefydlog yn golygu sicrhau bod lefel y trydan sy'n llifo drwy'r grid yn parhau’r un fath drwy'r amser.
Nid ffermydd gwynt neu ffermydd solar ydyn nhw, ond maen nhw'n gasgliad o adeiladau sy'n edrych yn debyg i ysguboriau, warysau a chynwysyddion llongau. Mae'r adeiladau hyn yn gartref i beiriannau mawr gyda chwylrodau mewnol i ddarparu sefydlogrwydd grid heb allyrru unrhyw garbon deuocsid.
Yn y pen draw, bydd y gwelliannau hyn yn cynyddu faint o ynni adnewyddadwy y gallwn ei ddefnyddio a lleihau ein biliau ynni.

Mae Gweithredwr Systemau Ynni'r Grid Cenedlaethol (NGESO) wedi nodi Gogledd Abertawe fel ardal sydd angen mwy o sefydlogrwydd grid, oherwydd faint o ynni adnewyddadwy sy'n cael ei gynhyrchu ledled y DU.

Yng Ngogledd Abertawe, mae'r ffaith bod yr is-orsaf NGESO newydd mor agos yn golygu y gellir osgoi ceblau trosglwyddo hir, ac mae'n sicrhau bod cysylltiad effeithlon â'r grid gydag ychydig iawn o aflonyddwch a chost.

Byddwn yn sicrhau bod effeithiau gweledol y safle yn cael eu lliniaru gymaint â phosibl trwy ddefnyddio lliwiau nad ydyn nhw’n amharu ar y dirwedd leol ar gyfer unrhyw adeiladau neu sgriniau newydd.

Oes. Mae ein Parc Grid Gwyrddach cyntaf yn gweithredu yn Keith, Moray. WRydyn ni bron â chwblhau ail Barc Grid Gwyrddach yn Lerpwl hefyd. Mae'r dechnoleg a ddefnyddir yn y prosiectau hyn yn gydadferwyr cydamseredig. Rydyn ni wedi ennill contractau gan Weithredwr Systemau Trydan y Grid Cenedlaethol ar gyfer dau brosiect batri hefyd sy'n ffurfio grid yn Coylton a Neilston yn Ne-orllewin yr Alban.

Mae gennym brosiectau tebyg yn Iwerddon hefyd.

Yn ystod y gwaith adeiladu, byddwn yn gweithio i gadw lefelau y sŵn a ddaw o'r safle mor isel â phosibl.  Byddwn yn dilyn yr holl amodau a osodir gan y Cyngor ar weithgareddau adeiladu os yw ein cais yn llwyddiannus. Bydd y lefelau sŵn yn aros o dan y lefel sy'n cael ei nodi gan y cyngor yn y caniatâd cynllunio a dim ond o fewn yr oriau penodedig a ganiateir gan yr Awdurdod Cynllunio Lleol y byddwn yn gweithio. 

Bydd y cyfarpar, unwaith y bydd wedi'i osod ac yn weithredol, yn cael ei orchuddio â deunydd inswleiddio sŵn a bydd yn cael ei gadw mewn adeiladau gwanhau sŵn. Bydd y cyflenwr penodol a ddefnyddir yn cael ei ddewis unwaith y bydd caniatâd cynllunio wedi’i roi. Ar ôl i'r cyflenwyr technoleg gael eu dewis, ac unwaith y bydd y gwaith dylunio manwl wedi dechrau, bydd astudiaethau sŵn yn cael eu cynnal a'u darparu i'r cyngor. Ni fydd y datblygiad yn mynd y tu hwnt i derfynau sŵn a bennir gan y cyngor i atal effeithiau negyddol ar eiddo preswyl yn yr ardal.

Rydyn ni'n rhagweld y bydd y cyfnod adeiladu’n para tua 12 - 18 mis.

Bydd y prosiect hwn yn helpu'r DU i symud tuag at ei thargedau allyriadau di-garbon trwy gynyddu sefydlogrwydd y grid trydan a fydd yn cefnogi gostyngiad mewn prisiau ynni a gwariant gan y Grid Cenedlaethol ar gyfyngiadau.

Bydd ein llwybr mynediad adeiladu newydd yn defnyddio mynediad fferm presennol ac yn osgoi ardaloedd preswyl yn bennaf. Bydd hyn yn lleihau'r effeithiau ar drigolion lleol, ynghyd â dulliau megis amserlen dosbarthu nwyddau drefnus fel y nodir yn ein Cynllun Rheoli Traffig Adeiladu.

Dyma rai enghreifftiau o fesurau y byddem yn eu cymryd:
1. Gwahanu newidyddion oddi wrth strwythurau cyfagos ac oddi wrth ei gilydd.
2. Rhwystrau gwrthiant (wal dân), gwahanu gofodol, a darparu lloc.
3. Gwahanu gofodol rhwng y newidydd a'r adeilad digolledu cydamserol neu wal flaen yr adeilad.
4. Cyfarpar canfod tân, nwy a mwg awtomatig (seiliedig ar baladr) yn yr adeiladau.
5. System awtomatig llethu tân (e.e. chwistrellwyr dŵr a / neu system sy'n defnyddio nwy) yn yr adeiladau.
6. Defnyddio deunyddiau/llociau anhylosg sy'n gwrthsefyll tân o amgylch y cydrannau.
7. Rheoli tymheredd y cydrannau o bell 24/7.
Bydd manylion mesurau diogelwch tân yn cael eu cynnwys yn y datganiad cynllunio a bydd rhagor o fanylion yn yr adroddiad strategaeth diogelwch tân gyda mewnbwn yr holl gyflenwyr a thîm gweithrediadau Statkraft.

Bydd y prosiect hwn, os caiff ei adeiladu, yn helpu'r DU i symud tuag at ei dargedau dim allyriadau carbon drwy gynyddu sefydlogrwydd y grid trydan gyda thechnoleg Digolledu Cydamserol. Bydd yn dod â gostyngiad ym mhrisiau ynni a gwariant gan y Grid Cenedlaethol ar gyfyngiadau hefyd.

Bydd Parc Grid Gwyrddach Abertawe yn elwa ar Gronfa Budd Cymunedol o £20,000 y flwyddyn o ddechrau'r gwaith adeiladu gydol oes y prosiect. Ein budd cymunedol yw'r cyntaf o'i fath ar gyfer prosiectau grid.

Byddai'r gronfa budd cymunedol o £20,000 y flwyddyn ar waith cyhyd ag yr oedd y Parc Grid Gwyrddach yn weithredol. Bydd y gronfa hon yn cael ei gweinyddu gan drydydd parti annibynnol, a byddai'n cwmpasu maes o fudd sydd wedi'i gytuno â phobl leol.

Bydd. Mae gennym ddolen gofrestru ar gyfer  cyflenwyr lleol  ar y wefan felly cofiwch ei chwblhau os ydych chi'n fusnes lleol ac â diddordeb yn y prosiect, neu os hoffech argymell un.

Byddwn ni'n cydweithio â grwpiau fel y Siambr Fasnach i sicrhau cymaint o gyfleoedd â phosibl i gyflenwyr lleol.