Fferm Solar Alleston

Click here to view this page in English 🇬🇧

Mae'r wefan hon wedi'i chreu i ddarparu gwybodaeth am ein cynigion sy'n dod i'r amlwg ac i alluogi pobl i gysylltu â ni gyda chwestiynau ac adborth. 
Bydd y wefan hon yn cael ei diweddaru wrth i’r prosiect ddatblygu i roi’r wybodaeth ddiweddaraf i chi ac i glywed eich barn a’ch syniadau.

Ynglŷn â Fferm Solar Alleston

Rydym yn datblygu cynigion ar gyfer fferm solar ar tua 100ha (247 erw) o dir amaethyddol rhwng Llandyfái a Phenfro, yn agos at reilffordd Doc Penfro-Caerfyrddin.

Mae ynni solar yn dechnoleg hanfodol i helpu i oresgyn ein heriau diogelwch ynni a hinsawdd. Pe byddai’r fferm solar yn cael caniatâd, byddai’n cyfrannu at gyflawni amcanion polisi’r DU, Llywodraeth Cymru a Chyngor Sir Penfro, yn arallgyfeirio’r amrywiaeth ynni, ac yn hwyluso’r newid i ynni carbon isel, wrth leihau’r ddibyniaeth ar danwydd ffosil.

Credwn fod gan y safle botensial i allforio hyd at 30MW ar gapasiti brig, gan bweru hyd at 14,000 o gartrefi yng Nghymru bob blwyddyn.

Bydd y prosiect yn darparu Cronfa Budd Cymunedol gwerth £480,000 yn ystod ei oes o 40 mlynedd er budd prosiectau a mentrau lleol gan gynnwys addysg, effeithlonrwydd ynni, gwelliannau amgylcheddol, a chyfleusterau cymunedol gwell. 

Cyflwynwyd ein cais ar gyfer Fferm Solar Alleston i Benderfyniadau Cynllunio ac Amgylchedd Cymru (PEDW) ym mis Rhagfyr 2024. Yn dilyn dilysu ein cais yn llawn, bydd PEDW yn cynnal ymgynghoriad pellach. Yn dilyn ymgynghoriad ac archwiliad PEDW, Gweinidogion Cymru fydd yn penderfynu ar y cais.

Bydd ein cais llawn, terfynol a manylion am sut i ymateb i PEDW ar gael ar y wefan hon ac ar Borth Cynllunio Llywodraeth Cymru (cyfeirnod: DNS CAS-03072-D7X6N7). 

Adborth

Gallwch roi adborth ar y prosiect drwy'r  dudalen  Cysylltu  neu  gysylltu â ni drwy e-bost yn UKprojects@statkraft.com, drwy'r post yn FREEPOST Statkraft neu dros y ffôn ar 0800 772 0668.