Fferm Solar Alleston

Mae'r wefan hon wedi'i chreu i ddarparu gwybodaeth am ein cynigion sy'n dod i'r amlwg ac i alluogi pobl i gysylltu â ni gyda chwestiynau ac adborth. 
Bydd y wefan hon yn cael ei diweddaru wrth i’r prosiect ddatblygu i roi’r wybodaeth ddiweddaraf i chi ac i glywed eich barn a’ch syniadau.

Cliciwch am y dudalen hon yn Gymraeg / Cliciwch ar gyfer y dudalen hon yn Gymraeg 

Ynglŷn â Fferm Solar Alleston

Rydym yn datblygu cynigion ar gyfer fferm solar ar tua 100ha (247 erw) o dir amaethyddol rhwng Llandyfái a Phenfro, yn agos at reilffordd Doc Penfro-Caerfyrddin.

Mae ynni solar yn dechnoleg hanfodol i helpu i oresgyn ein heriau diogelwch ynni a hinsawdd. Pe byddai’r fferm solar yn cael caniatâd, byddai’n cyfrannu at gyflawni amcanion polisi’r DU, Llywodraeth Cymru a Chyngor Sir Penfro, yn arallgyfeirio’r amrywiaeth ynni, ac yn hwyluso’r newid i ynni carbon isel, wrth leihau’r ddibyniaeth ar danwydd ffosil.

Credwn fod gan y safle botensial i allforio hyd at 49MW ar gapasiti brig, gan bweru hyd at 15,000 o gartrefi yng Nghymru bob blwyddyn.

Bydd y prosiect yn darparu Cronfa Budd Cymunedol bob blwyddyn dros ei oes o 40 mlynedd er budd prosiectau a mentrau lleol gan gynnwys addysg, effeithlonrwydd ynni, gwelliannau amgylcheddol, a chyfleusterau cymunedol gwell.